അദ്ധ്യാപകര്‍ക്കുള്ള കൈപുസ്തകങ്ങള്‍ കാലഘട്ടത്തിനനുസൃതമെന്ന് വിദ്യാഭ്യാസ മന്ത്രി പി.കെ.അബ്ദു റബ്ബ്. കൈപുസ്തകങ്ങളുടെ പ്രകാശനം തിരുവനന്തപുരം കോട്ടണ്‍ ഹില്‍ സ്‌കൂളില്‍ നിര്‍വഹിക്കുകയായിരുന്നു വിദ്യാഭ്യാസമന്ത്രി .വിവിധ പുസ്തകങ്ങള്‍ മന്ത്രിയില്‍ നിന്നും വിവിധ മേഖലകളിലുള്ളവര്‍ ഏറ്റുവാങ്ങി.ടീച്ചേഴ്‌സ് കൗണ്‍സിലര്‍ സഹായി -ഹയര്‍ സെക്കന്‍ഡറി വിദ്യാഭ്യാസ ഡയറക്ടര്‍ കേശവേന്ദ്രകുമാര്‍, സ്‌കൂള്‍ ഗണിതലാബ് മാര്‍ഗ്ഗരേഖ -പൊതുവിദ്യാഭ്യാസ വകുപ്പ് ഡയറക്ടര്‍ എ ഷാജഹാന്‍, ഉല്ലാസപറവകള്‍ -എന്‍ ആര്‍ എച്ച് എം പ്രതിനിധി എന്‍ ശ്രീധര്‍, കായിക അധ്യാപകര്‍ക്കുള്ള റഫറന്‍സ് ഗ്രന്ഥം(എല്‍.പി) -കേരള സ്‌പോര്‍ട്‌സ് കൗണ്‍സില്‍ പ്രസിഡന്റ് പത്മിനി തോമസ്, കായിക അധ്യാപകര്‍ക്കുള്ള റഫറന്‍സ് ഗ്രന്ഥം(യു.പി) -കായിക യുവജനകാര്യാലയം ഡയറക്ടര്‍ നജിമുദ്ദീന്‍, സുരക്ഷിത യാത്ര -ജോയിന്റ് ട്രാന്‍സ്‌പോര്‍ട്ട് കമ്മിഷണര്‍ അലക്‌സ് പോള്‍ തുടങ്ങിയവര്‍ ഏറ്റുവാങ്ങി.ഈ വര്‍ഷം മുതല്‍ സ്‌കൂള്‍ പഠനം മികച്ചതാക്കാന്‍ വിവിധ മേഖലകളെ പ്രതിപാദിക്കുന്ന അഞ്ച് പുസ്തകങ്ങള്‍ എസ്.സി.ഇ.ആര്‍.ടി യാണ് തയ്യാറാക്കിയത്.ചടങ്ങില്‍ എസ്.സി.ഇ.ആര്‍.ടി ഡയറക്ടര്‍ കെ എ ഹാഷിം, കോട്ടണ്‍ ഹില്‍ സ്‌കൂള്‍ ഹയര്‍സെക്കന്‍ഡറി വിഭാഗം പ്രിന്‍സിപ്പല്‍ മിനി എസ് തുടങ്ങിയവര്‍ സംബന്ധിച്ചു.
No comments:
Post a Comment